НОВО во GALA WASH Прилеп !!! Перење на патосници - Антибактериски мирис - Црнило за гуми
Компостирање во заедницата е пилот проект на СТАНИЦА ПЕТ од Прилеп кој за прв пат се спроведува во Македонија во селото Ропотово, Општина Долнени. Проектот предвидува собирање и преработка на органски отпад, кој што ќе се компостира и преработува во органски хумус. Хумусот пак е предвидено да се користи на почетокот за наѓубрување на јавни површини во општината, а кога ќе има и повеќе количини истиот да го користат и земјоделците за обработливите површини.
„Поставените станици на 2 места во селото се состојат од метални корпи и канти каде што е детално наведено на табли кој отпад може граѓаните да го одлагаат. Во металните корпи се одлага остатоци од трева и лисја, а додека во кантите остатоци од храна. А Јавното комунално претпријатие при редовното собирање на отпад од овие канти, тој отпад ќе го собира и ќе го носи во станицата за компостирање која што е изработена од дрво и вработените во Јавното комунално претпријатие понатаму ќе имаат задача понатаму да го одржуваат, соодветно да го промешуваат и да го селектираат отпадот се со цел да се произведе органски хумус“, истакна Весна Шапкоски, извршна директорка на СТАНИЦА ПЕТ Прилеп.
Со овој проект ќе се намалат емисиите на јаглерод и азот во животната средина и количините на отпад. А ќе се добие и производство на органско ѓубриво.
„Исто така во изминатиов период организиравме серија од 3 обуки за вработените во комуналното претпријатие кои ги запознаваме со процесот на компостирање и нивната улога понатаму во собирањето и преработката на органскиот отпад. А во наредните неколку месеци ќе реализираме и обуки со локалните жители кои ќе ги информираме кој отпад е погоден за компостирање, а кој отпад треба да се селектира и одлага во поставените корпи и канти за собирање на органски отпад“, рече Весна Шапкоски, извршна директорка на СТАНИЦА ПЕТ Прилеп.
„Ова е како резултат на нашата соработка со невладиниот сектор, особено со СТАНИЦА ПЕТ. И досега сме давале поддршка, а отсега ќе даваме уште повеќе поддршка. Прво логистичка поддршка преку Јавното комунално претпријатие кое што ќе го собира отпадот. Оние граѓани кои ќе си го донесат сами во ред, а оние кои нема да можат да имаат и таква можност ние да го подигнеме“, додаде Саткија Мифтароски, Општина Долнени,
Оваа активност е дел од проектот „Паметно зелено село за одржлива иднина“ реализиран со поддршка на Фондација Отворено Општество.
