Прилеп доби уште една капела на старите градски гробишта

После повеќе години, заврши изградбата на капелата која се градеше на старите градски гробишта. Капелата денеска на симболичен начин беше предадена од страна на Здружението за заштита и обнова на старите градски гробишта Прилеп и Варош на Локалната самоуправа.

„Во името на Општина Прилеп упатувам искрена и длабока благодарност до членовите на Здружението, кое е основано во 1992 година и активно делува од 1998 година. Нивната упорност, визија и посветеност во изминатите децении резултираа со реализација на сите поставени цели — вклучувајќи го и овој значаен објект. Вашата општествена одговорност е пример за сите нас. Остануваат уште неколку административни постапки кои треба да се довршат од страна на Локалната самоуправа и ЈКП „Комуналец“, по што објектот ќе биде официјално ставен во функција“, рече градоначалникот Борче Јовчески.