НОВО во GALA WASH Прилеп !!! Перење на патосници - Антибактериски мирис - Црнило за гуми
Најавените формулации во претстојниот извештај на Европскиот парламент, со кои директно се негира македонскиот јазик и македонскиот идентитет, преку нивна релативизација со придавки како „современ“ или нивно целосно отстранување од текстот, претставува бесрамен и намерен обид за институционално бришење на националниот политички субјективитет на македонската држава, велат од политичката партија Левица.
„Особено алармантно е што токму десничарската Европска народна партија (ЕПП), каде што членува и ВМРО-ДПМНЕ – ја има поднесено иницијативата за проблематизирање и модификација на македонскиот јазик во официјалниот извештај!
Ова е сериозен скандал и национално предавство, бидејќи додека домашните политички претставници лажно глумат патриотизам, нивните сестрински партии во Брисел активно работат на бришење на македонската историја, култура и идентитет од европските документи.
Овој извештај е уште еден од низа докази дека Европската Унија ги применува двојните стандарди кон Македонија, и дека европските директиви се сѐ почесто алатка за уцена, а не за развој. Наместо да биде простор за заштита на националните идентитети и различности, ЕУ сѐ повеќе станува геополитичка алатка на историски ревизионизам и неоколонијализам.
Ова не е интеграција – ова е национално разградување по директива. Продолжувањето по овој пат не води кон ЕУ, туку кон политички ќор-сокак, идентитетска разграденост и трајно уценета државност.
Во случај Европскиот парламент да го усвои ваквиот понижувачки и опасен извештај, Левица упатува силен апел до Владата на Република Македонија:
-
-
Да постапи со решителност и во духот на државната сувереност, наместо со слепа покорност кон надворешни диктати;
-
Да го замрзне евроинтеграцискиот процес, кој прерасна во систем на континуирани уцени и идентитетска деградација;
-
Да го прекине секое понатамошно мешање на Европската Унија во внатрешните прашања на државата, особено оние поврзани со јазикот, идентитетот, историјата и уставното уредување;
-
И, најважно – во најбрз можен рок да се пристапи кон раскинување на Преспанскиот договор и Договорот со Бугарија, како два штетни и неуставни договори што се директна основа за ваквите напади врз македонската државност и идентитет“, велат од Левица.
-
