Во организација на Општина Македонски Брод и Здружението Форум за авангардна креативност викендов во Поречието се одржа третиот адреналински фестивал на отворено “SAMOKOV XTREME“.
Главната цел на овој фестивал е развојот на туризмот во Поречкиот регион и ставање на с. Самоков на мапата на атрактивни дестинации за авантуристички туризам. Присуствуваа над 500 вљубеници во природата и авантуристи кои учествуваа во возење со теренски возила, мотокрос, возење со АТВ возила, планински велосипедизам и планинарeње.
Фестивалот помина во одлична атмосфера и им овозможи на сите присутни ентузијасти, кои го направија овој настан да биде едно незаборавно и прекрасно доживување, да уживаат во звуците на природата, чист воздух, адреналин, дружење и нови пријателства, но секако и нови искуства.
