Во интервју за „Раша тудеј“, сирискиот претседател Башар ал Асад вели дека Москва го одвратила Западот од преземање разорувачки воздушни напади на Сирија минатиот месец и дека Сирија е близу до победа во седумгодишната војна, наспроти „непрекинатото мешање на САД“.
„Со секое напредување на сириската војска и во политичкиот процес и во целата ситуација, нашите непријатели и наши противници, главно Западот предводен од САД и нивните марионети во Европа и нашиот регион, се обидуват да одат понатаму, поддржувајќи го тероризмот преку носење на уште терористи во Сирија или попречување на политичкиот процес“, рекол Асад.
Тој во интервјуто вели дека при последните големи офанзиви во Сирија „ситуацијата била многу близу до директен судир на Русија и САД“.
Асад го нападна Западот на чело со САД, дека го попречуваат во борбата со тероризмот и дека „му носат нови терористи во земјата“.
