Вакцинацијата во Македонија против корона вирусот започна пред неколку дена, а според невропсихијатарот Методи Чепреганов, единствен лек за да се победи пандемијата е само вакцинацијата.
„Во трета светска биолошка војна сме. Пандемијата е стресна состојба во три смисли – животозагрозени сме, има промени кои настапуваат на психички план и појавата на психосоматски болести. Во мојата 64-годишна пракса не сум сретнал лек кој нема секундарни појави. Секој лек мора да има сајд ефект, но тоа се многу мали работи во однос на вакцинацијата. Луѓето се плашат затоа што бизнис-политиката владее“, вели Чепреганов.
Докторот кажа дека пред 9 дена се вакцинирал со „АстраЗенека“ и дека нема никакви симптоми.
„Нема друг лек и бенефит против оваа чума освен вакцинација“, порачува Чепреганов.
