Нови слики од Марс откриваат дека на Црвената планета постоеле древни реки, што укажува дека таму некогаш постоела повлажна и потопла клима, пренесува Independent.
Снимките се направени од сателитот Mars Express на Европската вселенска агенција. Тие покажуваат траги кои на површината на планетата се направени од древен систем на река. Долините се формирале онака како што се формираат на Земјата, со силен проток на вода кој го пробива патот низ пределот.
Ancient Martian rivers revealed in newest satellite images – https://t.co/D1PpfVbo55 pic.twitter.com/WOV2EzBKuS
— New Atlas (@nwtls) February 22, 2019
Тоа што е помалку јасно е од каде доаѓа водата. Поради недостаток од познавања за климата на Марс во минатото, научниците не знаат дали е тоа поради подземните води, топењето на ледот или нешто трето.
Денес нема вода на површината на Марс, но вакви откритија укажуваат дека планетата некогаш имала многу потопла и повлажна клима. Секое откритие поставува дополнителни прашања за минатото на планетата и научниците сакаат да откријат дали на Марс постоеле услови за живот.
Следната година Европската вселенска агенција во соработка со руската Роскосмос ќе имаат заедничка мисија со цел да го дадат одговорот на прашањето дали некогаш постоел живот на Марс.
