НОВО во GALA WASH Прилеп !!! Перење на патосници - Антибактериски мирис - Црнило за гуми
Шумската полиција од Прилеп вечерва (16.03.2026) спроведува нова акција на терен против бесправната сеча и нелегалниот транспорт на огревно дрво. На превојот Дервен одземено е патничко моторно возило „Лада“ натоварено со околу 1 м³ дабови огревни дрва. Во непосредна близина на локацијата дополнително се пронајдени уште 1,10 м³ дабови огревни дрва.
Претходно, околу 19:30 часот, на место викано „Пештерица“, одземен е еден шпедитер натоварен со 1,10 м³ дабови огревни дрва. Исто така, вчера (15.03.2026 година), во атарот на с. Беловодица се пронајдени и одземени 2,50 м³ бесправно складирани дабови огревни дрва.
Сите пронајдени дрва и одземени средства се предадени во ПШС „Црн Бор“ – Прилеп, а против инволвираните лица ќе бидат поднесени соодветни пријави согласно законските прописи.
„Апел од Шумската полиција – Прилеп: Ги повикуваме граѓаните да пријавуваат бесправна сеча, транспорт и складирање на огревно дрво. Воедно апелираме да не се купуваат огревни дрва без соодветна испратница и без жиг, бидејќи таквото дрво се смета за нелегално и подлежи на одземање, а следуваат и соодветни законски санкции. Контролите на терен продолжуваат со засилено темпо, а акцијата на Шумската полиција од Прилеп е во тек“
