Анимираниот цртан филм „Звуците на Новата Година“ за најмладите од градов ќе биде прикажан 22.12. 2023 во кино Мис Стон. Ќе има две изведби, од 17.00 и од 19.00 часот.
Во цртаниот филм, најмладите, ќе дознаат што се случува со звуците на Новата Година. Зошто ниедна мелодија не е како што треба и зошто се испревртени зборовите во сите песни на светот? На светот? Подобро речете – во целата бесконечна вселена. Но, ако мислевте дека нема кој да го реши проблемот – погрешивте. Биби, Боби, снешкото Гого, Дедо Мраз од Заз, роботчето Р1, но и мистериозните чувари на Заз се обединуваат да ја спасат целата музика во универзумот.
Режисери на филмот се Димитар Аризанов и Јосип Здравковски, гласовите ги позајмуваат актерите Слаѓана Вујошевиќ, Сашко Коцев, Никола Ристановски, Сашка Димитровска и Дамјан Цветановски, а за музиката се погрижи Ангел Ќосев.
