Бехтел ЕНКА во текот на викендот продолжува да ги поддржува општинските власти во Прилеп за гаснење на тековниот пожар на општинската депонија, под надзор на раководството на Јавното комунално претпријатие.
„Опремата и работната сила на Беxтел ЕНКА се уште се распоредени на опожареното место за помош на Дирекцијата за цивилна заштита и на Противпожарната бригада Прилеп во сузбивање на овој пожар. Бехтел ЕНКА е целосно мобилизирана за поддршка на спречување и сузбивање на пожари и на тој начин намалување на негативните влијанија врз здравјето и безбедноста на заедниците. Ангажманот на нашата компанија ќе продолжи рамо до рамо со локалните власти се додека нашата помош е неопходна за гаснење на пожарот и пружање на помош при справувањето со оваа природна катастрофа“, информираат од Бехтел и Енка.
