Брука и срамота, секој пороен дожд и невреме ние живееме во страв дека Градската река во Прилеп ќе ни ги однеси домовите. Исто се случи и денес, во секој момент очекувавме водата да влези во домот. Ова револтирано за редакцијата на Инфо Компас го изјави пред малку Гоце Митрески, чиј дом се наоѓа веднаш покрај реката во населбата Чачорица, на еден од краците на од улицата „Александар Македонски“.
„Поради тоа што Градската река од оваа страна нема потпорен ѕид, а се работи за околу 200 метри, неколку фамилии со години живееме во страв кога ќе има невреме. Така беше и денес. Целиот овој дел е поплавен поради тоа што реката прелива преку коритото, поради тоа што нема ѕид. Со години бараме од Општина Прилеп да изради тука ѕид, но никој не презема ништо. Се сменија власти и градоначалници, а состојбата е иста. Не знаеме веќе што да правиме“, вели Гоце Митрески.
Пред неколку години кога имало посилно невреме дури поставувале и насипи со вреќи за водата да не стигне до нивните куќи.
