Хаосот во Еурокомпозит со доаѓањето на оваа Влада продолжува! Вработените се уште ги очекуваат ветените 3 плати за 45 дена, но поминаа 100 дена и ништо од ветувањето. Рекоа на прес конференција од О.К. на ВМРО-ДПМНЕ Прилеп.
Прес конференцијата ја пренесуваме во целост.
Преговорите со Владата и министерот Кочо Анѓушев биле само обид проблемот да се заташка. Најлошото е тоа што според наши извори ускратено им е правото на штрајк, a синдикатот не смее да дава изјави.
Вработените ги бараат ветените 3 плати од Анѓушев. Скандал од невидени размери е тоа што министерот Кочо Анѓушев ги заборави ветувањата дадени пред вработените на Еурокомпозит , но не заборави да си додели преку државната ЕЛЕМ тендер во износ од 2.6 милиони евра на фирмата „Фероинвест“ која е во негова сопственост.
Ги повикуваме надлежните да ги исполнат своите ветувања. За несериозниот однос кон оваа фирма , одговорот од вработените оваа Влада ќе го добие на 15 октомври“, велат од О.К. на ВМРО-ДПМНЕ Прилеп.
