НОВО во GALA WASH Прилеп !!! Перење на патосници - Антибактериски мирис - Црнило за гуми
Со средства од над 4,6 милиони евра ќе се направи комплетна реконструкција на Ученичкиот дом во Прилеп – „Орде Чопела“. Овој дом е дел од проектот на владата енергетски ефикасни домови во Македонија, каде што на овој принцип ќе бидат реновирани вкупно 9 студенстки и ученички домови. Реконструкцијата ќе започне на 15 јули и ќе трае 18 месеци.
„Опремување на собите, целосна замена на водоводната, канализационата инсталација, како и отстранување на причините кои доведуваат до влага која се појавува во објектот. Комплетна замена на санитарната опрема, поставување на нова хидроизолација, керамички плочки и нови санитарни јазли. Целосна замена на електричната инсталација и монтирање на лед светилки, целосна замена на системот за греење, изработка на енергетски ефикасна фасада, целосна промена на кровната конструкција на домот и поставување на фотоволтаични системи за производство на електрична енергија“, истакна Билјана Данчевска, в.д. директор на Ученички дом „Орде Чопела“ во Прилеп.
Комплетно нови инсталации и нова опрема по ХАСАП стандарди ќе биде поставена во кујната на Домот. Исто така ќе се зголеми бројот на простории и содржини за рекреација на средношколците и студентите кои живеат тука.
„Со ова се надеваме дека домот ќе добие еден нов лик, ќе биде попримамлив за да имаме што повеќе ученици и студенти кои своето образование го продолжуваат во нашиот град“, додаде Данчевска.
Во моментов капацитетот на домот е 333 легла, а во него се сместени 166 ученици и 20 студенти.
