ВИДЕО – Од четврток до недела во Прилеп се одржува 10-от по ред меморијален ракометен турнир „Миле Нешкоски“

Во знак и сеќавање на нашиот сограѓанин Миле Нешковски, кој за жал прерано нѐ напушти, ќе се одржи 10-от по ред меморијален ракометен турнир „Миле Нешкоски“. Турнирот ќе се одржува од 21-ви четврток, па се до 24-ти во недела, кога ќе бидат и финалните натпревари. Оваа година ќе настапат 6 екипи кои ќе бидат поделени во 2 групи. Во првата група ќе настапат: покрај домаќинот, ракометниот клуб „Прилеп“, РК „Бутел“ и РК „Тиквеш“. Во втората група ќе настапат пак РК „Црвена Ѕвезда“ кој доаѓа од Белград, втора екипа ќе биде РК „Пролет“ и трета екипа РК „Еурофарм Пелистер 2“.

„Натпреварите ќе започнат од четврток и ќе траат до недела. Агендата е следна, во четврток во 15:30 часот имаме положување на цвеќе пред споменикот на Миле Нешкоски пред универзалната сала. По свеченото отворање започнуваме со натпреварите во салата на СОУ „Ристе Ристески – Ричко“. Првиот натпревар започнува во 18:00 часот помеѓу РК „Пролет“ и РК „Еурофарм Пелистер 2“. Вториот натпревар се игра од 20:00 часот помеѓу екипите РК „Прилеп“ и РК „Бутел“. Во петок, 22.08. во 18 часот играат екипите на „Црвена Ѕвезда“ и „Еурофарм Пелистер 2“, додека во 20:00 часот игра домаќинот РК „Прилеп“ и екипата на РК „Тиквеш“. Во сабота на 23.08. во 18 часот играат екипите на РК „Црвена Ѕвезда“ и РК „Пролет“, додека во 20:00 часот играат екипите на РК „Тиквеш“ и РК „Бутел“. По одигрувањето на натпреварите во групи, првото место игра финален натпревар, второто место играат за 3 место, додека последната екипа игра за 5 место. Натпреварите за во недела на 24.08. се следни: за разигрување на 5 место е во 15 часот, за 3 место во 17 часот и финалниот натпревар е во 20 часот“, истакна Рубинчо Седлоски, Организационен одбор на турнирот.

Никола Чадамов од РК „Прилеп“ истакна дека пред се се заблагодаруваат на сите спознори и поддржувачи на овој турнир без кој не е возможно да се организира еден турнир од овој ранг. Упати и благодарност до Министерството за спорт кое финансиски го поддржува овој турнир, локалната самоуправа на Прилеп, како и генералниот спонзор на РК „Прилеп“, „Конфи Ангел“.

„Оваа година имаме и една новина, во соработка со Министерството за спорт успеавме да обезбедиме професионална ракометна подлога за време на одржување на овој турнир, што значи многу попрофесионални и подобри услови за игра на играчите и сите инволвирани, така да овој турнир од година во година сѐ повеќе расте. Ние како клуб и организационен одбор на турнирот се трудиме секоја година да го подигнеме нивото, оваа година ќе имаме релативно силен турнир каде сите екипи се изедначени и сите екипи ќе се бориме за плеј офф во Македонската супер лига, која е доста силна, така да очекувам фер и коректен турнир, спортска борба и одлична организација. Тука имаме 5 македонски екипи од кои „Бутел“ и „Тиквеш“ лани завршија на 5 и 6 место на табелата и играат плеј офф годинава, ќе играат и во Европа. Ја имаме „Црвена Ѕвезда“ која заврши на 4 или 5 место во српската лига, ги имаме „Тинекс“ и „Еурофарм Пелистер 2“, кои заедно со РК „Прилеп“ секоја година се борат за место во плеј оффот, така да имаме еден изедначен турнир со добар квалитет, затоа што и целта на турнирот е таа, екипите пред сѐ од Македонија да се воиграат пред почетокот на првенството. Реално не сме размислувале за награден фонд на турнирот, затоа што целта е воигрување и спремање на екипите за првенството, самата организација значи финансиски предизвик, а награден фонд би било и дополнително оптоварување за организација на тој турнир“, кажа Чадамов.