НОВО во GALA WASH Прилеп !!! Перење на патосници - Антибактериски мирис - Црнило за гуми
Денеска во населбата Точила во Прилеп беа пуштени во употреба реконструираните игралишта за повеќе спортови. Градоначалникот Дејан Проданоски ги повика граѓаните да ги чуваат и да не ги уништуваат спортските терени.
„Сакам да ја изразам мојата огромна благодарност до министерот за спорт и Министерството за спорт затоа што еве во името и на транспарентноста и на она ветено – сторено сме тука на лице место. Пред извесен период на посетата на министерот пред почетокот на официјалната кампања дојде го виде овој простор, даде ветување и еве тоа е реализирано. Да посакам успешно и чесно користење на овој простор, да ја искористам приликата да апелирам до сите жители на оваа населба, до сите корисници да внимаваме и да ги чуваме овие добра, кои еве овој пат со средства од министерството се инвестирани овде, но навистина треба да се одржува и да се чува, затоа што ако ние сами не го одржуваме и чуваме за брзо време би станало повторна руина. Ја користам приликава уште еднаш да упатам апел до сите граѓани кои го користат овој простор за рационално користење, чување, затоа што навистина е едно прекрасно катче за развивање на спортскиот дух, развивање на спортските капацитети на градот и уште еден простор каде би ги одвикнувале нашите млади од современите пороци и би ги враќале во она што значи природен и здрав развој на нашата младина, а тоа е заложба на сите граѓани.
Министерот за спорт Борко Ристовски истакна дека на ниво на држава имало 30-тина вакви реконструирани терени, потенцирајќи дека спортот е премногу важен за да се има здрава младина во една држава.
„Денес сум гостин во Прилеп на она што заедно со сегашниот градоначалник го ветивме пред изборите, а тоа е дека од ова запуштено место ќе успееме да направиме ново катче каде децата и возрасните ќе можат да рекреираат. Вакви проекти на санација и реконструкција имаме на територија на цела Македонија, имаме преку 30-тина вакви направено, што мене ми претставува навистина задоволство, затоа што преку ова создаваме масовност, им даваме на децата и на сите оние млади генерации кои сакаат да спортуваат и рекреираат место каде ќе можат да се развиваат, најнапред во рекреативниот спорт, а потоа и да прераснат во професионалниот спорт. Ова е многу важен сегмент за социјализација на младите, да направиме што е можно повеќе млади да оттргнеме од сите оние модерни предизвици на денешницата, а тоа се телефоните, плеј стејшн игрите и да ги донесеме да спортуваат, да рекреаираат и да се дружат пред се, да направиме здрави деца кои ќе прераснат во носители на ова наше општество. Така да јас уште еднаш му благодарам на градоначалникот на соработката и поддршката, затоа што без соработка и поддршка ова не можеше да се изведе во така брз рок, така да уште еднаш би честитал и би посакал со среќа да се користи и што е можно повеќе млади луѓе и деца се дружат тука и да спортуваат. Ќе повторам, да заедно градиме преку социјализација едно здраво општество“, додаде Ристовски.
