НОВО во GALA WASH Прилеп !!! Перење на патосници - Антибактериски мирис - Црнило за гуми
„Универзалната“ сала во Прилеп не е под Министерството за спорт, таа е под ПУИК, но јас ја зедов обврската да бидам медијатор во таа ситуација и веќе денес имам состанок кога ќе завршиме тука со една локална компанија од тука, која е заинтересирана да ја реконструира и да ја стопанисува, но и да плати дел од средставата кои се должат на ПУИК – Јавно претпријатие за стопанисување со стамбени и деловни објекти, истакна денеска во Прилеп, министерот за спорт Борко Ристовски.
„Ја прифаќам одговорноста, во интерес на спортот и во интерес на Прилеп да таа работам јас ја туркам, да ги спојам и да ги седнам на состанок сите заинтересирани страни и да најдеме заеднички јазик, затоа што навистина Прилеп е долги години без спортска сала и мислам дека е дојдено времето. Двете работи ги туркам одеднаш, но пак ќе повторам, јас во овој случај ќе бидам само медијатор и ќе оставам двете страни што е можно побрзо се договорат и се зависи од нив.
Што беше пречката лани во септември да се пушти „Универзална“? Барем така вие ветивте.
Ветив, но по посетата со инжинери видовме дека навистина е небезбедна салата и не постои ни минимум шанса да добиеме дозвола од инжинерите да може таа сала да биде пуштена во употреба и да биде безбедна.
А сега ќе ја санира некој таа пукнатина на трибината?
Па не е пукнатината на трибината проблем, тоа е најмалио проблем. Проблем е што дел од конструкцијата на трибината завршува во ѕидот, нешто што пред многу години е направено и тоа е поголемиот дел од опасноста, затоа што ако дојде до некој инцидент може да се случи цела сала да падне, затоа што е во конструкцијата на самиот ѕид. Не е само напукнатоста на трибината, тоа е најмалиот дел, може да се затвори трибината и да нема гледачи таму, но навистина дел од таа трибина завршува во ѕидот и статиката е комплетно нарушена. Така да ќе треба да се направи комплетно нова статика, да се изолира тој дел од трибините, да се оттргне тоа што е во ѕидот и да се пушти во употреба. Не е така наивно како што мислев јас на почетокот, но кога отидовме со стручни лица ни го кажаа тоа.
Тоа би го правел ПУИК или приватниот инвеститор што ќе раководи?
Приватниот инвеститор“, додаде Ристовски.
