НОВО во GALA WASH Прилеп !!! Перење на патосници - Антибактериски мирис - Црнило за гуми
Почната е процедура за раскинување на договорот со концесионерот за спортската сала „Македонија“, договорот ќе биде раскинат, салата ќе биде преземена од Министерството за спорт, ќе биде реконструирана делумно, истакна денеска во Прилеп, министерот за спорт Борко Ристовски.
„Разговараме со една локална компанија која е заинтересирана да ја стопанисува, да вложи дел во таа сала и да биде предадена да се користи, да биде отворена. Моите размислување се јавниот интерес да биде секогаш заштитен, салата до 13-14 часот да биде достапна до сите оние кои сакаат да рекреираат бесплатно, да биде достапна за сите училишта и дечиња кои ќе сакаат да ја користат, а потоа после 15 часот да биде ставена на користење на концесионерот, затоа што мислиме дека секој еден кој ќе се грижи за таа сала треба да има и општествена одговорност, но да има и свој финансиски бенефит, што е многу логично и нормално. Но за мене е многу важно јавниот интерес да биде заштитен, а тоа е сите дечиња до 15 часот и училиштата да можат да ја користат.
Има ли рок за тоа?
Рокот не зависи од мене, не е тоа нешто што се случува преку ноќ, но кога е веќе почната процедурата, мислам дека за многу брзо време ќе ја завршиме, дека е прашање на месеци и во почетокот на следната година очекувам, затоа што не зависи од мене, тоа е и до државно правобранителство на што јас не можам да влијаам“, додаде Ристовски.
