Градскиот базен „Маркови Кули“ е отворен за сите посетители, граѓани без разлика на вера, нација, пол, итн. Меѓутоа сите мора да ги почитуваат мерките, посебно Ковид мерките донесени од Владата и другите мерки и правила кои се јавно истакнати на влезот во базенот. Истакна денеска Борис Темоски, сопственик на базенот „Маркови Кули“ откако беше обвинет за дискриминација на Ромите поради нивно непуштање во објектот.
Изјавата ја пренесуваме во целост.
„Значи, нема да се пуштаат граѓани кои не се соодветно облечени, значи за влез во базенот мора да се носат купачи, не гаќи, не боксерки, не шорцеви, значи соодветна облека. Сите ги враќаме, без разлика од која вера и нација се. Втора работа личната хигиена е многу битна, не можеш со работна облека да влегуваш во базенот директно од работа, градежна работа, сеча или било каква, мора да се облечат соодветно за во јавен објект. Исто и за личната хигиена, значи ова не е објект за бања, тој треба да дојде чист од дома, а не со кал извалкан, значи ги враќаме нив без разлика на вера и нација.
Значи покрај тие правила има и други правила. А проблемот за конкретниот инцидент биле само 4 лица. Ние сега моментално имаме Роми во базенот, кои се соодветно облечени, значи тие кои ги почитуваат мерките немаат проблем. Вчера беше Вртолум и базенот беше преполн, поради што менаџментот оцени дека доколку се вратат по 2 часа, околу 4 часот попладне, да можат други да си заминат ќе влезат. Вчера околу 4 часот немаше столица каде да се стави, беше преполно и Ковид мерките овозможуваат само 50% од капацитетот.
И настана проблем со 4-ца, другите не да не ги пуштаме, но имаше проблем со тие 4-ца кои направиле инцидент и ним им е забранет влезот. Базенот е отворен за сите граѓани кои ги почитуваат мерките, секој може да влезе на базен кој е соодветно и културно облечен, ги почитува мерките и правилата кои се јавно истакнати на влезот на базенот“, истакна Темоски.
