Денеска Стопанската комора слави 98 години од своето постоење, импозантна е бројката и потврдува за тежината на таа институција. Имено во таа институција членови се сите компании кои носат додатна вредност во нашата држава и се многу битни за економскиот развој на државава, а истовремено доколку имаме здрав економски раст и развој, тогаш би можеле да имаме и подобра демократија. Ова денеска го истакна претседателката на Регионалната стопанска комора, Ирена Јакимоска, која посочи дека Пелагонија во моментов е изолирана, многу животи се загубиле по патиштата и време било по 27 години да се поврзе со остатокот од Македонија.
„Нашиот став и нашиот разговор денес ќе биде во контекст на нашето декларативно застапување на Регионалната комора во Прилеп и Битола, пред се во она што е клучно и најбитно, инфраструктурата. Време е, стварно е време после 27 години да ја поврзиме Пелагонија со остатокот на нашата земја и со она што значи нашите комшии. Во овој момент мора да декларираме дека сме изолирани, многу човечки животи се изгубени, а за мене не постои вредност, никаква економска вредност, ниту еден човеков живот и мора да се фокусираме малку да ја вратиме Пелагонија онаму каде што беше. Имено Пелагонија има капацитети да не храни сите, има капацитети за огромно влијание врз БДП и можеме сега и овде да се пофалиме со прекрасни компании, кои влијаат врз економскиот раст на нашата држава. Она што како институција, како Комора го бараме од нашата идна влада на нашата земја, е пред и се одговорност. Одговорност прво самите пред себе, а потоа одговорност пред институцијата или нашата работна задача што ја одржуваме, независно дали се работи за приватен сектор, или се работи за јавна институција“, истакна Јакимоска.
