Веќе 5 – ти ден по ред гори депонијата кај прилепското село Алинци, а огромни облаци од чад се шират низ цела Пелагонија, особено во Прилеп. Неподносливата миризба од отпадот се чувствува низ целиот крај. Од ЈКП „Комуналец“ истакнаа дека 5 дена се обидуваат да го изгаснат огнот, но густата магла која до влера ја имаше во Прилеп го попречувала процесот. Според Комуналец пожарот е намерно подметнат. Во моментов гори отпад стар повеќе години, и тоа место од депонијата каде повеќе не се одлага отпад.
„Во моментов гори отпад, стар, од пред повеќе години. Секаков вид на отпад, тоа е оној отпад кој што кога се градеше ТИРЗ Прилеп се покри со земја од тој дел. Има стражарска служба, но површината е огромна, колку и да се обезбедува не може секогаш да се забележи извршителот. Голема штгета за граѓаните и дополнитечно загадување на и онака загадениот взодух тука“, истакна Рубин Абрашоски, директор на ЈКП „Комуналец“ Прилеп.
Депонијата гореше со денови и пред околу година и половина, но и тогаш не се откри сторителот, ниту пак зошто се предизвикуваат овие пожари на депонии.
„Не е дознаен се уште сторителот, како и многу пати досега, се надевам дека сега ќе биде окриен сторителот. Но, како и на сите депонии во Македонија, ништо не е случајно“, додаде Абрашоски.
Од СДСМ Прилеп обвинија дека Прилеп е единствен град каде нема мерна станица и не може да се измери загадувањето.
„Со денови наназад, аерозагадувањето во градот е видливо со голо око. Екстремно загадениот воздух штипи и на очи, и на нос, и на грло“ истакна Ивона Кузмановиќ, членка на Советот на Општина Прилеп.
Засега останува непознато колку време ќе биде потребно да се изгасни депонијата.
