Од партијата на власт ВМРО-ДПМНЕ ги негираат изјавите на нивниот коалиционен партнер ВРЕДИ и тврдат дека ниту се разговарало, ниту некогаш ќе се разговара за промена на државната химна.
„ДУИ матрицата на етнизирање на сите важни прашања, и СДС пинг понг политиката треба да престане. Ниту некогаш било разговарано за промена на химната, ниту пак во иднина ќе се разговара. Граѓаните може да бидат спокојни. Времето на ДУИ и СДС на губење и порази на сите теми, со цел да се затскрие криминалот, помина“, велат од владејачката ВМРО-ДПМНЕ.
