Во сабота во подножјето на Маркови Кули ќе се засадат 6.000 дабови садници

Во сабота на 21 март во подножјето на Маркови Кули кај Прилеп ќе се акција за пошумување на 6.000 дабови садници , која е веќе договорена со Институтот за старословенска култура, а средствата за садниците се обезбедени од проектот „Програма од бирото за регионален развој“.

„Ги поканувам сите граѓани во сабота да дојдат во подножјето на Маркови Кули и да ги насадиме овие 6.000 садници, да ја раззелениме таа околина. Традициционално училиштата ќе си организираат акции за чистење на дворовите и просториите на училиштата и така во име на екологијата да го прославиме Денот на планетата земја и Денот на пролетта, 21 март, и сето ова да го заокружиме, односно да го отстраниме проблемот со горењето на депонијата и во иднина Прилеп како што заслужува и како што ги има епитетите да биде најзелениот град на Македонија“, истакна градоначалниот на Прилеп Дејан Проданоски.