По повод Денот на македонската полиција 7 Мај, денес градоначалникот на Прилеп, Илија Јованоски ја посети Полициската станица од општа надлежност – Прилеп.
„Честитајќи им го празникот, на вд командирот Дарко Цуцулески, како и на останатите раководни структури на Полициската станица од нашиот град, им посакав успешна работа и, исто како и досега, неселективен пристап во борбата со криминалот.
Заедничката констатација е дека безбедноста на граѓаните, како и доследното спроведување и почитување на законите особено во услови на пандемија на ковид-19, е наш врвен приоритет.
На сите припадници на МВР им го честитам 7 Мај, Денот на македонската полиција!“, напиша Јованоски на својот Фејсбук профил.
