Граѓани пријавуваат лажни пожари и претставуваат дополнителен проблем за пожарните екипи

Во период кога се соочуваме со кризна состојба и голема бројка на пожари, дополнителен проблем се и лажните пријави за пожари. Такви повици вчера на бројот 193 имало вкупно седум.

„Вчера, во период од 10 до 21.45 часот на бројот 193 беа примени 29 пријави за пожари на територија на Град Скопје. Од кои за 22 пожари со интервенција и нивно гаснење и локализирање навремено, меѓу кои и во фабриката „Охис“ каде се употребија повеќе возила и пожарникари. Седум пријави за пожар беа лажни”, велат од скопската Пожарна.