Апелацискиот суд Скопје ја одби жалбата на одбраната на режисерот Борис Дамовски и тој останува во притвор во истражниот затвор Шутка.
Тој прво беше во домашен притвор, но по жалбата на Обвинителството, Кривичниот совет на Основниот суд Скопје 1 ја преиначи претходната одлука и му определи 30 дневен притвор.
Дамовски е осомничен за терористичко загрозување на уставниот поредок и безбедноста на државата за настаните од 27 април минатата година во Собранието на Република Македонија.
Дамовски, Богдан Илиевски, Игор Дурловски и Владо Јовановски беа организатори на протестите „За заедничка Македонија“.
До сега Апелацискиот суд ги одби жалбите на сите осомничени кои побараа да им биде укината мерката притвор и да им биде определена поблага мерка за обезбедување на присуство на осомничените за настаните во Собранието.
