Порталот „Деца“ пренесува дека иако Македонија се наоѓа во портокалова фаза поради температурите кои надминуваат и 40 степени Целзиусови, децата што престојуваат во градинките мора да седат во затворен простор без пуштени клима-уреди.
Протоколите за заштита од ковид-19 според кои работат градинките забрануваат употреба на клима уреди. На оваа мерка стигнуваат реакции од родителите кои апелираат дека во просториите се служи и храна и е небезбедно температурата да биде висока.
Надлежните во градинките, велат дека се соочуваат со казни ако ги прекршат протоколите за работа. Велат дека наоѓаат решенија како да работат во соодветни, но и пријатни услови и за нив и за децата, па така често ги проветруваат просториите, но и пуштаат прочистувачи на водухот.
Извор: Деца.мк
