Министерството за здравство (МЗ) денеска информираше дека во изминатото деноноќие се потврдени 6 нови случаи на Ковид-19: 5 случаи во Скопје и 1 во Кичево.
Регистрирани се 27 оздравени пациенти: Скопје – 17, Тетово – 4, Охрид – 2 и по 1 од Прилеп, Гостивар и Кичево.
Од МЗ исто така информираа дека во последните 24 часа не се регистрирани починати пациенти.
Досега во земјава се направени вкупно 893.681 тестирања на Ковид-19, а во изминатото деноноќие се направени 1.650 тестови.
„Вкупната бројка на КОВИД-дијагностицирани лица во нашата земја од почетокот на епидемијата изнесува 155.716, бројката на оздравени пациенти е 150.100, на починати е 5.486, а бројот на активни случаи изнесува 130“, стои во соопштението на МЗ.
