Жителите на Големо Коњари 3 дена без вода поради дефект на моторот кој го снабдува селото, од прилепски Водовод најавуваат решавање на проблемот утре

Жителите на прилепското село Големо Коњари веќе 3 дена се без вода откако во саботата поради невремето се расипа главниот мотор кој пренесува вода до нивните домови. До редакцијата на Инфо Компас испратија реакција дека веќе 3 дена се без капка вода, а на овие високи температури немаат ниту за пиење, ниту за основните хигиенски потреби.

Директорот на ЈП Водовод и Канализација Прилеп, Игор Гулабоски, за Инфо Компас изјави дека деловите кои биле изгорени во невремето на моторот веќе биле порачани и утре ќе пристигнат во Прилеп, по што веднаш ќе бидат монтирани.

Инаку селото Големо Коњари има околу 800 жители.