До крајот на годината вработените во приватниот сектор треба да добијат регрес за годишен одмор.
Најмалку 9.665, а најмногу 14.190 денари треба да легнат на сметките на вработените во приватниот сектор до крајот на годината. Тоа е сумата во чии рамки се движи регресот за годишен одмор, односно К-15. Износот треба да биде најмалку 40% од просечната нето плата или најмногу 40% од просечната бруто плата.
Работникот треба да работи најмалку 6 месеци кај ист работодавец за да го исполни условот за регрес.
Вработените во јавниот сектор најверојатно и годинава ќе останат без К-15 зашто тој не е пропишан со нивниот Колективен договор кој е од 2010 година.
Законската обврска за исплата на регрес за одмор беше укината во 2005-та и по девет години, со последните измени на Општиот колективен договор за приватниот сектор, повторно се воведе во 2014-та.
