Лицето за односи со јавност на Општина Прилеп и раководител на порталот „Публикум“ од Прилеп, Зоран Милошески, на својот ФБ профил објави дека по полноќ му е запалено возилото во неговата гаража.
„Почитувани пријатели, околу 1 часот и 20 минути после полноќ, беше запалено моето возило марка „Сузуки свифт“, кое беше паркирано во гаражата. Противпожарната единица интервенираше веднаш откако соседите го виделе возилото како гори. Увид направи и екипа на Полициската станица од Прилеп. Возилото е целосно уништено. Палењето на мојот автомобил се случи точно една година подоцна, откако во јануари 2017 година беше запалена мојата гаража. Сторителите се’ уште не се откриени“, напиша на профилот Милошески.
Милошески вели дека во текот на денешниот ден јавноста ќе биде подетално информирана за настанот.
