Според ДИК до 18.30 часот во Прилеп гласале 35.07%. 64.309 граѓани во Општина Прилеп денеска имаа можност да се изјаснат на прашањето од референдумот „Дали сте за членство во НАТО и ЕУ со прифаќање на договорот меѓу Република Македонија и Република Грција“.
Инаку утрово навреме беа отворени сите 142 гласачки места во Општина Прилеп и навреме беа затворени во 19 часот. Засега според ОИК гласањето се одвивало без проблеми, во мирна и демократска атмосфера.
Во Крушево до 17 часот излегле 35.96% од граѓаните со право на глас. Во Кривогаштани процентот на излезеност е 20.42%, а во општина Долнени до 17 часот гласале 31.5% граѓани. Гласањето се одвивало одвивало во мирна атмосфера и во општините Крушево, Кривогаштани и Долнени.
