Прилепчаните Филип и Михаела Илиоски и двајцата вљубеници во природата, планинарењето и велосипедизмот, оваа нивна пасија и љубов уште од најмали нозе му ја пренесуваат и на нивниот син Исак кој е стар само 2 месеци.
Викендов тие направија мала тура на Селечка планина во должина од околу 9 км. посетувајќи ги планинарски дом Томе Темелкоски и Казанташ.
Илиоски велат дека турата поминала одлично, малку дожд, малку сонце, но без никакви проблеми за малиот Исак кој уживал во чистиот воздух и прекрасната природа на Селечка. Ова е прва ваква прошетка на Исак, но немало да биде и последна. Илиоски сакаат својата љубов кон планината уште од најмала возраст да му ја пренесат на својот син.
