Позната холандска туристичка онлајн платформа ја прогласи Македонија за златна туристичка дестинација.
„Златна награда за дестинација за патување” (Golden Travel Destination Award) е резултат на гласање спроведено од страна холандските туристи коишто имаа задача да ја оценат нивната посета во странска земја којашто ја посетиле и воедно да потенцираат што е тоа што најмногу им се допаднало.
Највисоко е оценета локацијата на Македнија со 8.2 поени, рестораните со 8.1 и културата со 8 поени од можни 10 поени. Гостомпримството е оценето со 7.9, додека локалитетите со 7.8. Од градовите највисоко котира Охрид (8.1), а веднаш зад него се Скопје, Битола и Струга (7.6, 7.5 и 7.2).
Истражувањето е спроведено од холандската платформа Reisgraag.nl која го испитува задоволство од услугата на холандските тур-оператори, земји и туристички места низ целиот свет. Воедно, оваа платформа е и туристичка агенција која традиционално го организира настанот „Reisgraag Awards“ по повод доделување на награди на места, дестинации и земји кои добиле највисоки оцени од холандските гости.
