НОВО во GALA WASH Прилеп !!! Перење на патосници - Антибактериски мирис - Црнило за гуми
За време на кампањата ви ветуваа трговски центри, обиколници, мега паркови и театри. Јас не ветував нереални проекти, затоа што точно знам што е во надлежност на општината и колкав е реалниот буџет. Ветувам работа, чесност и резултати, порача Павлинче Матеска, независен кандидат за градоначалник на Прилеп.
„Чиста и уредна средина – редовно чистење на улиците, тротоарите и јавните површини, намалување на прашината и загадувањето. Поддршка за младите и образованието – подобрување на условите во градинките и училиштата, достапни простории за младите, како coworking простори за фриленсери. Транспарентен буџет – секој денар на граѓаните ќе биде видлив, а приоритетите ќе бидат јасни и корисни за сите.
Реални инфраструктурни проекти – реконструкција на запоставени јавни објекти, без празни ветувања за „мега“ проекти. Справување со долговите и ефективно управување – јавни претпријатија кои функционираат професионално, без партиски влијанија. Град за сите граѓани – општината ќе работи за вас, а не за партиите; учество на граѓаните во одлучувањето ќе биде реално, а не формално“, вели Палеска.
