Во пресрет на новогодишните празници Мрежата на Локални Акциони Групи се вклучи вохуманитарна акција за донација на новогодишни пакетчиња и пакети со храна, со цел разубавување на празниците на социјално загрозени семејства во руралните средини.
Со мотив да хуманоста и споделувањето станат неизоставен дел од празничната традиција зошто секое дете заслужува насмевка на лицето во магичните празнични денови, со поддршка на компаниите Пекара ВЕЛ Велес, млекара Бучен Козјак и Малина, Велес во соработка со ЛАГ Агро Лидер и ЛАГ Вардар Леадер беа поделени новогодишни пакетчиња во населените места на општина Велес, Долнени, Градско и Чашка.
Оваа иницијатива ќе продолжи и во иднина во рамките на нашите можности со цел да однесеме малку радост во домовите на оние кои се соочуваат со бројни предизвици да обезбедат достоен живот, и да бидеме причина за искрени насмевки и среќни лица.
