Денеска се очекува пристигнувањето на посмртните останки на жртвите од несреќата во Бугарија

Министерството за надворешни работи (МНР) вчера информираше дека денеска ќе пристигнат посмртните останки на починатите од автобуската несреќа во Бугарија што се случи на 23 ноември.

Тие ќе пристигнат утринава на Меѓународниот аеродром Скопје.

„Известување за измена на саатници при пречекот и испраќањето на загинатите од автобуската несреќа во Бугарија до нивните домови и вечни почивалишта

Почитувани, ве известуваме дека посмртните останки на загинатите граѓани во автобуската несреќа во Бугарија после нивниот транспорт на аеродромот во Скопје, веднаш ќе бидат упатени кон нивните домови и вечни почивалишта.
Оваа измена доаѓа согласно барањата на дел од семејствата на загинатите, а со цел телата да бидат предадени пред петочната молитва.

За граѓаните кои сакаат да оддадат почит, се уште останува можноста тоа да го сторат на плоштадот Скендербег во периодот од 10 до 13 часот“, стои во соопштението од МНР.