НОВО во GALA WASH Прилеп !!! Перење на патосници - Антибактериски мирис - Црнило за гуми
Шумската полиција од Прилеп продолжува со интензивни контроли и акции против бесправната сеча, транспорт и складирање на огревно дрво. Вчера (25.02.2026 година) во вечерните часови, кај стрелиштето „Леково“, одземен е еден шпедитер натоварен со 1,5 м³ дабови огревни дрва. На истата локација дополнително се пронајдени уште 1 м³ зелени дабови огревни дрва.
Претходно, на 23.02.2026 година, во атарот на с. Беловодица се пронајдени и одземени 5 м³ бесправно складирани дабови дрва. Истиот ден, на место викано „Пештерица“, одземен е шпедитер натоварен со 0,50 м³ дабови огревни дрва.
„Сите пронајдени дрва и средства се одземени и предадени во ПШС „Црн Бор“ – Прилеп, а против инволвираните лица ќе бидат поднесени соодветни пријави согласно закон. Шумската полиција упатува јасен апел до граѓаните: Да не купуваат нелегално огревно дрво. Секое дрво мора да биде жигосано и снабдено со соодветна испратница. Во спротивно, следува одземање и поднесување пријава за бесправно складирање. Ги охрабруваме граѓаните да пријавуваат сомнителни активности поврзани со бесправна сеча и нелегален транспорт. Контролите ќе продолжат со засилено темпо, а законот ќе се применува без исклучок“, велат од Шумската полиција во Прилеп.
