НОВО во GALA WASH Прилеп !!! Перење на патосници - Антибактериски мирис - Црнило за гуми
Шефот на македонската дипломатија Бујар Османи за емисијата „Реална приказна“ на Њуз 24 го презентираше ставот на ДУИ за последните предизвици по завршувањето на локалните избори во Северна Македонија.
Османи говореше за одржаните локални избори, при што потсети дека ДУИ на своето конто, како што рече, има 10 општини и зголемување од 20 отсто на гласачкото тело, споредено со претходните избори.
„Забележавме зголемување на поддршката. Да имаше парламентарни избори ќе имавме 18 пратеници. ДУИ повторно беше потврдена како најважна и најголема партија меѓу Албанците. Од друга страна, имаше нестабилни коалиции, ВМРО-Алијанса, привремени, моментни, кои имаа за цел да ја победат ДУИ, но граѓаните јасно се определија за ДУИ“, рече Османи.
Османи истакна дека на државата не и требаат предвремени избори, бидејќи земјата ќе влезе во политичка криза, ветувајќи дека ДУИ и тој како прв министер Албанец за надворешни работи, ќе продолжат да го одржуваат евроатланскиот курс, кој е од витално значење не само за земјата, туку и за регионот.
