Њујорк го загуби приматот на град во кој живеат најголем број на милијардери, за прв пат по 7 години. На првата позиција се искачи Пекинг, кој во 2020 година доби 33 нови милијардери, со што бројот бројот на луѓе кои поседуваат богатство вредно милијарда долари и повеќе се искачи на точно 100, или за еден повеќе од Њујорк каде живеат 99.
Сепак, и покрај тоа што Њујорк е на второ место, вкупното богатство на неговите милијардери е 560,5 милијарди долари, што е повеќе отколку што „вредат“ најбогатите во Пекинг, односно 484,3 милијарди долари.
Трет на листата градови со најголем број на милијардери е Хонг Конг, специјален административен регион на Кина, со дури 80 милијардери.
Покрај Пекинг, кинески градови со голем број на милијардери се и Шангај, Шенжен и Хангжу.
Податоците на „Форбс“ покажуваат дека една четвртина од исклучително богатите луѓе во светот живеат во само 10 градови.
