На панел дискусијата на тема „Воспоставување на нова синергија меѓу САД и Западен Балкан“ во рамките на Преспанскиот форум, претседателот на Република Македонија Стево Пендаровски побара од САД и Европската унија да им помогнат на земјите од Западен Балкан да се воспостави нова синергија и рестартирање на регионот, како и заедничка соработка.
„Европската Унија не способна сама да предводи, САД не би сакале да предводи сама, а регионалните елити не се заинтересирани. Конечниот резултат е дека Западниот Балкан, особено во минатата деценија заостанува во економска смисла зад ЕУ, повеќе од колку во предходната деценија. Вашингтон е тука само да регистира и да сведочи за падот на демократските индикатори, т.е. индикаторите на Фридом Хаус, па во демократска смисла, е поназад и падот е на ниво од пред 10 или 15 години “, нагласи Пендаровски.
Тој додава дека политичката волја за да се постави нова синергија не е воопшто во прашање, но истакна, зборуваме за меѓународните интереси, на инволвираните чинители, политичката волја на Брисел, на земјите членки на ЕУ,
националните интереси на САД, и за националните интереси на земјите од регионот од западнобалканската шесторка.
