Денеска околу 12.50 часот е пријавен пожар кај месноста „Наковална“ позади ридот Зеленик кај Прилеп. Според ТППЕ Прилеп во моментов гори сува трева и помали грмушки. На терен излезени биле 9 пожарникари со 2 возила. Според првичните сомнежи станува збор за подметнат пожар. И лани истото место два пати било запалувано од страна на несовесни граѓани. Инаку локалитетот Маркови Кули, каде спаѓа и овој предел, е зашитено подрачје и се наоѓа на привремената листа на заштита на УНЕСКО.
Од друга страна пак низ цела Пелагонија во моментов е зачадено од запалените стрништа кои горат и покрај апелите на надлежните истите да не се палат.
