Позитивните на брзите Ковид-19 тестови од аптеките не се контролираат, немаат решение за изолација

Граѓаните кои добиле позитивен резултат на брзите тестови за коронавирус кои се купуваат во аптеките, доколку не направат ПЦР тест или брз тест преку сертифицираните лаборатории низ државата, не добиваат решение за изолација.

Од Министерството за здравство (МЗ) велат дека е потребно дополнително да се потврди резултатот во сертифицираните лаборатории.

Реакциите од граѓаните се дека нема доволно термини за тестирање.

Од МЗ за Радио МОФ велат дека е потребно граѓаните да се одговорни и во процесот на тестирање, бидејќи така ќе го заштитат сопственото здравје, здравјето на своите најблиски, како и здравјето на пошироката популација.