Од денес граѓаните на Македонија можат да се вакцинираат на главниот пункт за вакцинација во Врање, во Спортската сала, без претходно закажување и претходно подготвени списоци.
Од ПР службата на Здравствениот дом во Врање соопштија дека досега во овој град со првата доза се вакцинирани 2.032 граѓани на Македонија, а само викендов се вакцинирале 927 граѓани на Република Македонија.
Покрај во Врање, од денес без претходно закажување и покана од е-Управа македонските граѓани ќе може да се вакцинираат и градовите Ниш и Нови Сад.
Достапни се вакцините на Синофарм, АстраЗенека и Фајзер, додека „Спутник В“ се дава само на граѓаните кои добиле покана од е- Управа.
