Сѐ е подготвено за старт на меѓународниот FIS Rollerski Cup 2024 во организација на Скијачка федерација на Македонија. Заради безбедно одржување на меѓународниот натпревар, регионалниот пат од Кривогаштани до Крушево ќе биде затворен во среда (21.08.2024) и четврток (22.08.2024) во периодот од 10 до 11:35 часот.
„Oвој спортски хепениг “Фис ролер ски куп Тоше Проески“, односно името што тој го носи, претставува наш спомен кон Тоше Проески, спомен кон нашата ѕвезда што не направи горди. И затоа лично очекувам и верувам дека овој спортски настан ќе расте од година во година, етаблирајќи се како манифестација од големо спортско значење не само од аспект на спортските дисциплини кои како релативно нови, веќе го зацврстуваат своето место во меѓународните спортски манифестации и календари, туку и како манифестација што ќе не собира постојано овде во домот на нашиот Тоше“, истакна градоначалникот на општина Крушево, Томе Христоски.
