Поради неисплатена плата за месец јули вработените во ЈП за ПУП Прилеп стапија во предупредувачки штрајк со што градскиот превоз во Прилеп нема да функционира на сите три линии од денес 25.08.2025, па се до среда, односно 27.08.2025.
Според вработените од фирмата им било соопштено дека училиштата во Прилеп на ЈП за ПУП му должат 7 милиони денари и дека поради тоа претпријатието е во незавидна финансиска состојба. Бараат итна реакција на Општината и државните институции затоа што велат дека секоја плата ја земаат под присила, со расправии, закани за штрајк или пак на рати, нешто што не можат повеќе да го издржат.
