Денес, 10.09.2025 година почина поранешниот претседател на Општинската организација на Сојузот на борци од НОАВМ 1941-1945 и граѓаните продолжувачи – Прилеп, Прим. д-р КРУМЕ СОКОЛОСКИ.
Почитуваниот Прим. д-р КРУМЕ СОКОЛОСКИ е роден во 1932 година во Прилеп. Во текот на НОБ 1941-1945 изгубил брат и сестра кои биле вклучени во народноослободителното движење. Во 1959 година завршил Медицински факултет во Скопје, а во 1965 година спацијализирал нервопсихијатрија, после што се вработува во Здравствениот дом, односно, Медицински центар во Прилеп.
Во својот работен век бил секретар и претседател на Лекарски актив-Прилеп, делегат во Собрание на С.Р.Македонија. Во два мандати бил генерален директор на Медицинскиот центар во Прилеп, кога и се изградила Општата болница „Борка Талески“ во Прилеп. Бил член и претседател на Друштвото за наука и уметност – Прилеп.
Има напишано повеќе од педесет стручни трудови и книги. За долгогодишната стручна и организациона работа има добиено повеќе негради и признанија, меѓу кои Деветосептемвиска награда на Општина Прилеп, Третоноемвриска награда за животно дело на Општина Прилеп, Медал за воени заслуги и други. Погребот ќе биде на ден 11.09.2025 година, а посмртните останки ќе бидат изложени од 10 – 11 часот во капелата на Новите градски гробишта во Прилеп.
МУ БЛАГОДАРИМЕ, ВЕЧНА СЛАВА, НЕКА ПОЧИВА ВО МИР!
