НОВО во GALA WASH Прилеп !!! Перење на патосници - Антибактериски мирис - Црнило за гуми
Оперативниот план за вработување за 2025, клучен проект на Министерството за економија и труд во изминатата година, е насочен кон повеќе од 16 илјади граѓани и на истиот веќе аплицирале 6026 граѓани, изјави денес ресорниот министер Бесар Дурмиши.
Дурмиши истакна дека Планот е носечка алатка и стратешки документ во борба со невработеноста и за него е обезбеден рекорден буџет од речиси 40 милиони евра. Истиот опфаќа низа специфични мерки за обуки, стекнување вештини и грантови за сопствени бизниси со кои ќе им се помогне на различни категории граѓани – млади до 29 години и луѓе од ранливи групи да се (само)вработат и да станат економски независни.
Министерот посочи и дека буџет од 45 милиони денари е наменет за јавни повици за поддршка на занаетчиство, дигитализација, конкурентност на индустријата, стандардизација на ИСО и Халал-стандарди, акредитација на лаборатории и поддршка на НВО кои ги штитат потрошувачите.
