Изминатата ноќ 18 лица биле уапсени, додека 74 поминале со опомена поради непочитување на полицискиот час.
Има шестмина приведени од Кочани, петмина од Тетово, две лица од Гостивар, две од Куманово, две од Радовиш, и едно лице од Штип.
По добиените укажувања од полицијата дека во тек е полициски час и треба да се упатат кон своите домови лицата се однесувале агресивно и затоа биле приведени. Сите овие лица ќе одговараат како за ширење зараза, по член 206 од КЗ, т.е. за Непостапување според здравствени прописи за време на епидемија. Но, ќе им биде закачено и кривично дело Напад на службено лице, за што обвинител може да побара мерка притвор. Истото е и со случаите кај кои било најдено оружје синоќа, меѓу овие 18 лица.
