НОВО во GALA WASH Прилеп !!! Перење на патосници - Антибактериски мирис - Црнило за гуми
Денес во Прилеп се одбележа 8 април, Меѓународниот ден на Ромите – ден кога се потсетуваме на историјата, културата и придонесот на ромската заедница во нашето општество.
Во таа чест, како симбол на почит и поддршка, денес пред зградата на Општината беше свечено подигнато ромското знаме, а потоа се одржа средба со претставници на ромската заедница, на која отворено се разговараше за актуелните прашања, предизвиците со кои се соочуваат, но и за можностите за унапредување на нивната положба преку конкретни мерки и заедничка соработка.
„Општина Прилеп останува посветена на градење на инклузивна заедница, во која секој граѓанин ќе се чувствува еднаков, прифатен и вреднуван. Денес не само што одбележуваме еден значаен ден, туку и потврдуваме дека заеднички можеме да изградиме подобра иднина за сите.
Нека е честит 8 април, Меѓународниот ден на Ромите!“, истакна Борче Јовчески, градоначалник на општина Прилеп.
