Прилеп, Струмица и Велес се трите градови во кои исто така ќе се формираат вакцинални пунктови, по примерот на досега отворените шест во Скопје, Кавадарци, Тетово, Охрид, Битола и Штип.
Владата на Република Македонија ја разгледа и усвои Информацијата за формирање на регионални центри за КОВИД-19 вакцинација за Струмица, Прилеп и Велес и го задолжи Министерството за здравство, во соработка со општините Струмица, Прилеп и Велес, да го координира спроведувањето на неопходните активности за формирање на регионални вакцинални пунктови за масовна вакцинација против КОВИД-19 во овие градови.
Со оваа одлука Владата им препорачува на општините Струмица, Прилеп и Велес да учествуваат во уредување на вакциналните пунктови во соодветни спортски сали.
